Main Kar to rahi hu, par sahi kya hai?

Har koi kehta hai —

“Just do it!”

“Bas try karte jao!”

“Action beats overthinking!”

Aur main bhi kar rahi hoon.

Daily.

Har din kuch na kuch tick off kar rahi hoon.

Par kabhi kabhi lagta hai —

sahi kya hai?

Bachpan mein lagta tha, bade hote hi sab clear ho jayega.

Life ka map milega.

Abhi main badi ho gayi hoon, par map kisi aur ke haath mein hai lagta hai.

Main decisions leti hoon —

but har decision ke peeche dus sawal, dus backup plans, dus regrets chhupaye rehti hoon.

Kabhi kabhi sochti hoon —

Main sach mein adulting kar rahi hoon ya bas acting?

Aage badh rahi hoon, log bolte hain “proud of you”.

Par main andhar hi andhar sochti hoon —

“Kya ye actually progress hai ya bas busy rehne ka tareeka?”

Khud ko samjhane ke liye bol deti hoon —

“Sab theek ho jayega, just keep going.”

Aur phir wohi loop — plan banao, doubt karo, phir kar daalo.

Kaam ho bhi gaya toh dil mein ek aur “kya ye sahi tha?”

But maybe…

yehi life hai.

Kahin na kahin koi bhi sure nahi hota.

Sab bas confident dikhte hain, andar se woh bhi confused hi hain.

Toh main bhi bas kar rahi hoon.

Perfect hone ka pressure nahi, bas theek hone ka sapna hai.

So agar tum bhi confused ho —

sahi kya hai nahi pata —

toh welcome to the club.

Main bhi wahi hoon.